إنتي فين
سؤال ودار فى كلمتين
إنتي فين إنتي فين
جاوبي ردي ردي روحي
ياضي عيني روحتي فين
إنتي فين إنتي فين
رحال وراحل من سنين
و زادي شوقي والحنين
لما زاد الشوق إليكي
رحلت ماعرف رحت فين
إنتي فين إنتي فين
كله مكتوب عالجبين
أدوق مرار طعم الآنين
ولحد إمتى أدوق مرار
لحد ماعرف إنتي فين
كل الأماكن رحتها
حتى الصحاري زورتها
رسمت صورتك عالرمال
وعالجبال نحتها
وحشني صوتك الحنون
والرمش من طرح الجفون
سارح ودابح فى القلوب
إنتي فين صابني الجنون
إنتي فين إنتي فين
ياست الحسن والجمال
حني يوم على قلب مال
أو ردي حتى عالسؤال
إنتي فين إنتي فين
ناديت عليكي فى الفضا
ماسمعت غير صوت الصدى
بصوت حزين ردد ندا
إنتي فين إنتي فين
بقلم طارق السيد
إرسال تعليق