**حاضريادنيا****
حاضر يادنيا حاضر
دنيا ياناس دنيا مناظر
فيها الغايب وأسمه حاضر
وفيها الحاضر وعقله غايب
فيها الرخيص وفيها الخسيس
فيها الواليف وفيها الأنيس
فيها الغلبان عايش مقاتل
على رزقه يسعي زي المناضل
وفيها الخدوم أنسان فاضل
فيها حمال مواجع
ماشي فيها وبدهره راجع
يصرخ بصوت يدوى
موالد ولاحد سامع
يشكي ولاحد نافع
طمع ولاحد راضي وقانع
فيها البايع وفيها الشاري
دنيا فيها ناس قليلة الإحساس
بتعد على الناس الأنفاس
التعب فيها شئ من الأساس
عوذه القلب جامد
فى دنيا أنتهي منها الإخلاص
وضاع وخلاص
بقلمي /محمودصلاح السيد 31/3/2016
إرسال تعليق