لعبوا بينا
لعبوا بينا وكرهونا فى ناس عشرناهم حياتنا
كنا هبل ولا هطل لما صدقنا الكلام اللى شعلل نارفى بيتنا
شككونى فى ابن اخويا وكرهونى فى جيرتنا
خلوا كل الكفرنار زرعوا بينهم الف تار خالوا عيشيتنا مراركله بكلمه وكذبه
النهارده اكتشفت بعد ما بعينيه شوفت ان انا كنت حمار وورايا اتجر عزبه
................
النهارده لسه شايف النهارده
قولتلك اصبر يا عمده الكلام ده وسار له مده
قولتلك عيب ان نغلط او نعادى ناس بكذبه
قولت ناس كبار قالوها قالوا مصر دول باعوها
والفلوس اللى معاهم رشوه من الغرب خدوها
قولتلك نصبر ونعقل لما نعقل الحكايه
قولتلى الكلب فيهم اشترى منين المرايا
كان مصدى ولو يعدى كنت بكتم منه انفى
اتغنى فى يوم وليله واسأله عن السر ينفى
قولتلك نصبر ونعقل كتفه كان لصق فى كتفى
حد سألك عن ميراثك ولا ايه من الهم نابك
ولا يوم جم عند بابك قالوا ارضك دى منين
ولا انا عارف ظروفك ولا من فين فلوسك
رزق الله وليه حكمه يعلم الله الرزق فين
بس هو حقد فينا لما نلقى حد منا ربه كرمه
الحسد ياكل قلوبنا ونفسنا نعرف سره
قولتلك يا عمده اصبر وبلاش شغل التصرع
...........
صح يا احمد كنت قاسى
واتخدعت فى كرفتة ولون مدهب للكراسى
حاسس ان يومى قرب وعقلى رجع تانى راسى
واكتشفت اللعب بينا وليه فى ناس دول كرهونا
واكتشفت انى حمار كنت مربوط على المدار
شايل الناف على كتفى وبلف ليل نهار
لعبوا بينا وكرهونا فى ناس عشرناهم حياتنا
كنا هبل ولا هطل لما صدقنا الكلام اللى شعلل نارفى بيتنا
شككونى فى ابن اخويا وكرهونى فى جيرتنا
خلوا كل الكفرنار زرعوا بينهم الف تار خالوا عيشيتنا مراركله بكلمه وكذبه
النهارده اكتشفت بعد ما بعينيه شوفت ان انا كنت حمار وورايا اتجر عزبه
بقلم محمد البلاط
إرسال تعليق