عزيزى المواطن
""""""""""""""
عزيزى المواطن في أي مكان
معاصر معايا ف هذا الزمان
في أول كﻻمي أقوللك بحبك
و عارفك مقاوح هتطلب بيان
من حقك تكذب جميع الخﻻيق
وترفض كﻻمهم وتنصب مشانق
لأن في زمنا الكل منافق
وكل اللي جنبك بيطلع شيطان
عزيزي المواطن في أي مكان
لو انت مسالم وابيض و طيب
هتلقي الخﻻيق لظنك تخيب
و تلقي فواجع مواجع تشيب
يا لقمة طرية فى بق الحيتان
عزيزي المواطن. ....
عزيزى المواطن نهارك سعيد
صباحك مسكر و ﻻنج و جديد
هتكسب معانا هتكسب اكيد
ف شيبسي وبيبسي وجوه اللبان
عزيزي المواطن عملينا الجميل
جايبلك بضاعة و مالها مثيل
نقاوة وحﻻوة وحمل و شيل
صيني وكاتبلك دي صنع اليابان
عزيزي المواطن. .......
حدادي ترمي عليك كتاكيت
دا عند أم ترتر يا عم العبيط
شغل دماغك و فوق للحديت
دي نصبه ونهيبه ومكر شيطان
عزيزي المواطن. .......
عزيزى المواطن بضحك عليك
بصحي مطامعك وازغلل عينك
وكل اللي عايزه تشخلل ايديك
وألهف فلوسك وأغطس ما أبان
عزيزي المواطن. ......
عزيزى المواطن يا صيدة ف غابة
محدش بيعمل حساب الغﻻبة
فصحصح وركز وأنسي الطيابة
تﻻقي الخبايا قصادك تبان
عزيزي المواطن في أي مكان
معاصر معايا ف هذا الزمان
زجل /إبراهيم دعبس (الساحر
إرسال تعليق