{{ امى .. كان لازم اتعطر }} بقلم احمد التبينى

صحيح انا بحلم
كما كل الوجود كله
بان العنبه جايه لى..
وبتنعم
وحور الجنه بملكهم
وتحت اقدامى انهاره
لكن ازاى وانا عاصى؟!
مابوستش ايدها ولا مره
وكانت رافضه ليه ميلى
على اقدامها..تقول لى حرام!!!!!
ياامى ازاى! دانا ابنك
سبينى بقدمك اتعطر
ياامى الجنه تحتيكى
طب ادينى ابوس ايدك
وادوق الشهد والسكر....
ومهما حاولت تمنعنى
تقولى حرام.......
صحيح انا بار
وكنت بحب حواديتها
قصص قران
وكنت مطيع اوامرها
ولا فكرت ازعلها
لكن كان لازم اتعطر
وادوق الشهد والسكر