قصيدة ( آخر ساعات المشهد )
المشهد قبل الأخير
لوحة نهار بلون الليل
محطوطه فى البرواز
متلونه بالويل
وكل ويل انجاز
وكرسي وله الغاز
الفكر كما الصوره
بيزود علينا الهم
والجته رغم النبض
ريحة قرفها غم
بجهله وغبائه خلاها سم فى سم
والنعمه ما بيفهم
داير يوزع كلام
فاقد أكيد معانيه
تسمع تقول الله
ويسقفوا حواليه
الرحمه يا مورديه
كفايه بقى واتلم
داير بألاعيبك على كل الببان حيران
جدع ومتعلم بس علامه جبان
خايف ومش عارف
وكلامه مش مفهوم
يحزن كمان ويغم
والنعمه ما بيفهم
آخر ساعات المشهد
صبيه وعفيه هزيلة الابدان
كأنها ملبوسه
والفعل فعل شيطان
ونهايه ملموسه
خراب ما بعده خراب
هناك وسط التراب متكشفه الحكايات
ألحقنا يا سيدنا يا صاحب القرارات
قال الأمل غايب
طول م التراب مبلول بطهاره منجوسه
بس الشفا فى الحلم
وطهارة إل يؤم
بزمه دى اسمه كلام
طب كيف نصلى معاك
وفى شيطان قدام
# الطيب عوض احمد
24/2/2016
إرسال تعليق