عكرتى ليه بحرنا::جبريل رضوان

عكرتى ليه بحرنا
اااااااااااا
البحر كان صافى
وانتى اللى عكرتيه
والقلب كان خالى
وانتى اللي بهدلتيه
ذودتى ف جراحه
وحالفه لاتذليه
نبع الحنان جافى
انتى اللى نشفتيه
والهجر من طبعك
طبعك رضى كده ليه
حيرتى ليه قلبى
ولامتى حتوريه
مهو شاف كتير منك
ياريت بقى تنسيه
ااااااااااااااااا
عكرتى ليه بحرنا
بعد ماكان صافى
وخرمتى ليه مركبى
وكسرتى مجدافى
كنتى ف ليل الشتا
غطايا ولحافى
وكنتى ليه الدوا
والبلسم الشافى
ومشيتلك على الاشواك
وانا حافى
معرفش ايه غيرك
وقلبك بقى جافى
اااااااااااااااااا
ياعمر ضاع منى
وراح على الفاضى
كنتى ف يوم عمرى
دلوقتى بقى ماضى
وعشتك سنين عمرى
عشتك وانا راضى
وكنت مستحملك
وكنت اقول عادى
ف بداية المشوار
كان طبعك جميل هادى
وجعتى ليه قلبى
وقطعتى اوصالى
ااااااااااااااااا
جبريل رضوان