ليه يا زماني تعيب ناسك
هو اللي على الأرض مش ناسك
ولا لما ركب الكراسي على الأرض داسك
تقول حرية تقول أحرار مصالح ياعم مش هزار
طل في الأرض دول جابوا للبلد العار
باعوا الحلم بكم مليار
وحنا في الحلم نسينا نكمل المشوار
قول عربي قول أحرار القدس مستنيا
بس مين يكمل المشوار
بعد ما صاروا أهل الأرض دمار
شيل حلمك يا عم وقول
يمكن في الضلمة يبان لها نور
يمكن نصحى وأزرع أرضي البور
يمكن نوعا وشغل مصنع بحديد مكسور
يمكن عش الضلمة في العقول يولع نور
أو يصحى ضمير الأمة بعد مكان زمان مهجور
إرسال تعليق