قصة تلميذة بقلم الأديبة فاطمة عقل

(قصة واقعيه مؤلمه)
انتابنى اليوم كلام ابنتى وانا بعد الطعام وكالمعتاد تحكيلى عن يومها الدارسى ولكن هذه المره وجهها كان حزين ونبرات كلامها كأنها بتسألنى ليه؟!! وسألتها مالك قالتلى زميلتى يا ماما تغيبت عن الامتحان ودخلت مدرسه الفصل تزعق لها وفجأه البنت قالت للمدرسه ممكن على جمب يا مس قالتلها طيب طلعت من حقيبة المدرسة اوراق تخصها من مستشفى ويوم تغيبها لانها كانت بتعمل فحوصات ولكن المدرسه قالت للمدرس زميلها وامام الطلبه انتى مريضه بالكانسر وكانت المفاجأه للجميع ولأصدقاءها راحت البنت اغمي عليها فى التو واللحظه ولما فاقت قالت ما كنت احب اى حد يعرف وما كنت احب اظهر ضعيفه لاى حد ليه الميس تعمل كده ومدرس الفصل استاء جدا من المدرسه واللى ما همها شعور الطالبه بالذمه ده القدوة وابنتى حقها تسأل واصدقاءها هل وصل بينا فعلا الاستهتار لجرح مشاعر الغير وهذه المدرسه مافكرتش ولو للحظه ان بهذا العمل اللى فعلته ممكن تجعل البنت لا تذهب للمدرسه تانى واخذ الجميع ومنهم ابنتى يلاحظون ان البنت كانت سمينه وخست بيحسبوها بتعمل رجيم وشعرها خف وايضا حواجبها اللى تعتبر مافيش وكل هذا اصدقاءها لاحظوا بعد كلام المدرسه وجالهم جميعا حاله اكتئاب وجواهم بيتمنوا لها الشفاء ونحن نعلم ان مريض الكانسر للاسف فى مصر منتهى الا بأرادة الله وبدعى من الله عز وجل ان يشفيها يارب انها زهرة فى مقتبل حياتها طالبه فالصف الثانى الثانوى وتعرضت لهذا المرض اللعين وبدل ما تاخدها الرحمه والشفقه من مدرسه الفصل والدعاء لها بالشفاء للاسف اهانت شعورها وجرحتها ياترى ماذا هيكون واقع هذا البنت فيما بعد هل هتكمل فى وسط مجتمع مابيرحم ولا هتنتظر مصيرها وترقد ف الفراش بعيده عن صبو شبابها وحياتها الطبيعيه اللى اتحرمت منها ومن هنا بقول يجب ان نقتدى بالسنه والتزامنا بيها ونتقرب من ديننا اكتر لسمو اخلاقنا وما نجرح فى حد اصلا موجوع والله انا كمان اتألم لها كثيرا وادعوا من الله لها الشفاء العاجل والظاهر ان بعض المعلمات تحتاج لدروس كثيره لتكون قدوة حسنه للجميع نقول ايه غير حسبيى الله ونعم الوكيل..ارجوا من الجميع الدعاء لها بالشفاء العاجل...
بقلمى الحزين: فاطمة عقل