قالوا تكون كالطفله طريّه غيرهم قال عايزينها عفيّه قالوا تكون بتحب الهيصَه غيرهم قال عايزينها عاديّه نادوا وقالوا يابرنسيسه غيرهم ناديّ وقال ياوليّه واحد عايز عينها الخضرا زي الزرعه تكون مرويّه واحد عايز عينها تكون سمرا وبُني علي عسليه واحد عايز شَعر طويل ويكون سايح زي المايّه واحد عايزُه يكون كرانيش زي كنافه ف قلب صنيّه واحد عايز جسم نحيف يعني رغيف للجُمعه الجايّه واحد نفسُه تكون كلبوظه يعني العِجل ف لُقمه طريّه حاجه غريبة بجد صحيح حيرتوها وجننتوها خرجتوها من توب عربيه ناقص واحد يجي يقول تيجي وتفرد للمنديل ترقص فوق علي سطح المايّه.
إرسال تعليق