GuidePedia
على أد حبى ليك يابلدى
خايف عليك وعلى ولدى
يابلدى
------
ليه كده اتقلب الميزان
واصبحنا ف/خبر كان
اللى ما يتعلم من السابق
يبقى مش أنسان
الثورة قامت والسبب طغيان
قلنا حرية وكرامة للكل
وده عنوان
يتساوى فيها كل العوام
والعدل يقول كلمته
ونعيش بعزة مش كلام
==============
طلع النهار
======
والشمس غابت ليه
وتاهت الحرية
معرفش كده ليه
والدم ساح ع الارض
وقتلت شاب فقير
طب قول عملك أيه
بسلاحك الميرى قتلته
بكل قسوة قضيت عليه
==============
الدرس عدى وفات
والعدل عمره ما مات
حقك اكيد هتخده
حتى لو كنت رفات
العدل هو الخالق
لو طالت المسافات
==================
أمين شرطة جبان
ضيع العنوان
بدل ما يكون حارس
بسلاحة بقى حيوان
يقتل فى خلق الله
نسى المنان
ومستوعبش الدرس
من اللى حصل زمان
يالسانى بس خلاص
خلص خلص الكلام
Top
إرسال تعليق