فتحي متغمضيش
خلى موج البحر يهده
ميته ترسم جداول على الشطوط
تسقى قلبي من الحنين
مهما يشرب من حنانك
ما بيرتويش
لأن مية البحر حبيبتي
زيك أنت
فى جنونك وفى سكونك وفى ملامحك
لما تكون هاديه نسمتها ترد الروح
وسعات حزينه لونها كئيب
تلقيها فى عيوني متسويش
ويويل اللي يشوفها وقت الغضب
بتبقى قلابه
لأن بركانها ساعتها بياخد
بس مبيديش
تمام زيك أنت
بس أنا مسامحك
لأني قريكى وفاهمك
وعارف امتى أقابل جنونك بشوق
وبردك عارف
شكل تنهيدتك لما تبقى طالعه
من جوه قلبك مرسومه فى دمعة عين
يبقى مرار الدنيا فيها
بحسها من غير ما أدوق
أصل المرار دى ما بيدقش ولا يتوصف
كلام الدنيا كله
علشان يوصف لحظة وداع ميكفيش
مهو مش بيدى الفراق صدقيني
ولا كان بيدي إننا نكون أحباب
انا وانت جمعنا الهوى
ولما جيت خبطت على بابك
فتحتى مردتنيش
دلوقتى جابه تعاتبيني
طب زمبى ايه
انا زيك مدبوح
حتى احساسى لجلك أنت
مخصمنى مبيكلمنيش
وعارف انى فى غربة الإحساس
لا هكون انا انا ولا هقدر يوم أعيش
سعتها أقوم جارى
رامي نفسي فى بحرك
احضن أمواجك
تقوم ترميني بعيد
فى وقتها موج حزنك بيبقى عالى
عارف كده
وطول عمرك معايا على دى الحال
لمل تزعلى منى
كل جوارحك تنطق تقول وحشتني
لسانك بس يقول موحشتنيش
بقلم / الطيب عوض احمد
إرسال تعليق