قلبك طاير...
قلبك طاير عقلك حاير
وادي طريقك كله دواير
قبلك كتير وقعوا كتير
لا تفكير ولا تفسير
بس يدوب يستنو بشاير
وازاي تيجلك بشرى
وانت للفخ ساير
قلبك طاير...
نبضك ماشي برقة
مع كل همسة بدقة
وتعالى شوف من امتى
جربت تقوله لأ
مع انه ليك بيعاير
قلبك طاير...
الحب ماشي في دمك
ولا غيره حد يهمك
ولمين راح تشكي همك؟
والقلب يعد خطاوي
على فين رايح وناوي؟
ماشي يألف في غناوي
غايبة عنه الحقيقة
حرقاه نيران صديقة
ودقاته رماد سجاير
فلبك طاير...
قلبك طاير عقلك حاير
وادي طريقك كله دواير
قبلك كتير وقعوا كتير
لا تفكير ولا تفسير
بس يدوب يستنو بشاير
وازاي تيجلك بشرى
وانت للفخ ساير
قلبك طاير..
بقلم/ مازن عمر
إرسال تعليق