{{ أشكى جراح ماارتاح }} بقلم الشاعر جهاد بدر

أشكى جراح ما ارتاح
و لا حد سامعنى
نبض القلوب موجوع
يا نبض ريحنى

وسط الجراح عايشين
أعتب على نفسى
إمتى أعيش مرتاح
و الدمع صاحبنى
و إمتى تعيش مرتاح
و إنت اللى تاعبنى
أمانه يا المراسيل
مين اللى غلبنى
ما تقولى لرمش العين
يمكن يصالحنى
أو يسعد الأيام
لما يصاحبنى
أو يا وجع تتباع
تهجر تفارقنى
و تضحك ما بين أيام
عيونها تسعدنى
قوليلها يا المراسيل
الشوق معذبنى
لا انا بالبعاد مرتاح
و لا قُرب عاجبنى
و لا فى الهنا سواح
و لا ليل بيطربنى
مرت شهور و ايام
بسنين تخاصمنى
تَعبِت عيونى دموع
و الدمع جارحنى
تركت براح الدار
و الأمس شاغلنى
ماسك بايده النار
يكوى و يحرقنى
بين الهموم سمسار
و النوم مخاصمنى
إمتى يا نهر حنان
أشرب و تطعمنى
أصل الحنين صياد
بشباكه كعبلنى
يا اهل الغرام تعبان
و مين يطمنى
عن حاله و الأحوال
و الموج بيجرفنى
أنا بالغرام سواح
أبكى يضحكنى
و أضحك و انا التعبان
و الضحك يوجعنى
يا لعبة العشاق
قوليله يسمعنى
يمكن تنام العين
و الضحكه تعرفنى
و تضحك الأيام
و الضحكه تعجبنى