GuidePedia
كنت فين لما كان دمنا مغطى المكان
وانت لسه الاله ما قلش كن
كنا بندافع بروح والجسد مليان جروح
والنهرده جاى تهنا وتتهمنا بشىء ما كان
التاريخ دائما يسجل الألم قبل السعاده
ولو صريح فى الرصد يمكن يكتب الاحداث ساده
والجراح يقلبها فرح ويغمى عينه بوساده
واحنا بنسجل تاريخنا ونعبد الكذب عباده
ليه بنكتم الحقيقه وفيه حروف بتكون ذياده
امتى نعقل والعقول تشتغل شغل فردا
ويبقى لينا فى كل قول مصفى من كل مكيده
امتى يبقلنا كيان وفيه مكان بين ناس ساده
وننسى نعبد فرعون وننسى نسجد للبياده
ليا فى الوطن مكانى وليا قلب مش انانى
ونفسى تعرف النهرده انت مستلم مكانى
ودافعت عنها قبلك بدمى وروحى وكيانى
ما غدرتش بيك وهينتك
ولا جيت فى يوم حبستك
ولا قولت انك انانى ولا هنت يوم عرضك
ليه فى زمنا جاى تخونا بكذبه محطوطه فى عقلك
انا عمك انا جدك انا اللى فى يوم ولدتك
انا شريكك ومنك ليه بجهلك يكلوا عقلك
بالفلوس اشتروا عينك ليه تحارب بس دينك
ولا اطماعك فى دنيا ذايله كات بقيت لغيرك
التاريخ دائما يسجل الألم قبل السعاده
ولو صريح فى الرصد يمكن يكتب الاحداث ساده
والجراح يقلبها فرح ويغمى عينه بوساده
واحنا بنسجل تاريخنا ونعبد الكذب عباده
Top
إرسال تعليق