نَوْمْ وَ وَهَنْ:أغنية شعبية:خاطرة شعرية بالعامية المغربية:
قَالْتْ لُو مُّو نُوضْ مْنْ النّْعَاسْ
رَاكْ شْوّْهْتِينِي قْدَّامْ النَّاسْ
رَاكْ فْكُلّْشِي كَسُولْ الله يْحْدّْ الْبَاسْ
قَالْ لِيهَا رَا كُنْتْ نْحْلْمْ
نْوّْضْتِينِي وْ شَادّْ الْمَاسْ
مْنِينْ نْحلْمْ بْالكَابُوسْ
مَا يْكُونْ قْلْبْكْ عْلِيَّا عْسَّاسْ
يْفْتَرْسْنِي وْ عْلِيَّا يْدُوسْ
وْ مَا تْنْوّْضْنِي مْنْ هَاذْ النّْعَاسْ
قَالْتْ لُو نُوضْ يَا الْمْسْخُوطْ
وْ هُوَ يْنْفْخْ وْ يْزِيدْ يْسُوطْ
الْبْطَّانِيَّة فْالأرْضْ تْلُوحْ
وْ تْصْرْخْ نُوضْ يَا الْمْنْحُوسْ
سْبْعْ يْتْفْوّْهْ يْرْجْعْ يْنْعْسْ
تْقُولْ لُّو نُوضْ مَا عْنْدْكْ حِسّْ
غِيرْ النّْعَاسْ فْالدّْنْيَا تْدْرسْ
هِيَ عْلِيهْ دِيمَا تّْفْقْسْ
كْلْمَة بْكْلْمَة مُّو يْعَانْدْ
جْنَاحْ الْكَسَلْ رَاهْ فَارْدْ
قْلْبُو نَايْمْ دِيمَا بَارْدْ
وْ ذِهْنُو مْكْلّْخْ دِيمَا شَارْدْ
صْرَاخْهُمْ عْلاَ وْصْلْ للجِيرَانْ
يْتْنَاطْحُوا بْزُوجْ بْحَالْ الثِّيرَانْ
مَا شَافْ فْ مُّو وْجْهْ الرّْحْمَانْ
يْنْهْرْهَا سِيرِي خْلِّينِي نَّامْ
هَاذْ الْوَهَنْ مَا بْغَى يْزُولْ
عْلَى قْلْبْ مْعْذّْبْ عَايْشْ مْذْلُولْ
قُرُونْ نَايْمْ وْ مَا وْجْدْ حُلُولْ
فْأُمَّة تْمُوتْ قْلْبْهَا مْعْلُولْ.
من توقيع/الخائف من الظلم المهدي العمري.
إرسال تعليق