{{ ليه ما نكنش اصحاب }} بقلم محمود جنيدى

مش يمكن انا محتاجلك ،
وجايز تحتاجيلى..
مش جايز اكون باغرق ،
تجرى وتعوميلى..
اوجايز اكون فى مجنة ،
واقولك تعاليلى ..
وجايز برضه ف يوم ،
الاقيكى بتناديلى..
تقوليلى الحقنى ياصاجبى ،
نورلى قناديلى..
او تشكى برد الليالى ،
اغطيكى بمناديلى..
ويمكن فى مرة الاقيكى ،
قمر فى ضلمة ليلى..
طب ليه مانكونش اصحاب ،
اشكيلك وتشكيلى..
ولو ماليش اخوات ،
طب مانتى تبقيلى..
وانا اكونلك برضه ،
اكتر ماحتكونيلى..
والاقيكى لما احتاجلك ،
واجيلك لو احتجتيلى..