تيجى نعمل دكان ..؟؟
دكان من خشب وباب وحيطان
مليان من كل صنف أشكال وألوان
فيه ورود وزهور من كل بستان
فيه عطر وفل ونرجس وياسمين
فيه محبة لكل العاشقين
نبيع النظرة اللى بتتكحل بيها العين
نبيع البسمة اللى بتترسم على الشفتين
نبيع الكلمة اللى فى الجوف من سنين
لو كان بايدى كنت بعت الحب لكل قلبين
تعرفى ،،
حنكسب كتير
حيبقى عندنا ،، عشاق ،، أحباب ،،
وكمان مساكين
أصل سلعتنا ميعرفهاش ...
غير المساكين
محمد الصافى 19/2/2016
إرسال تعليق