{{ وحشانى يابلدى }} بقلــــم مبروك علـــوه

وحشانى يا بلدي يا عشق في دمي
يا منبع جدي وأبويا وعمي
يا بلد اصحابى وأخويا وامي
لو ابعد عنك يزيد همي

اسمك يابلدي هو كياني
وحبي ليكي ديمآ عنواني
يانسمة صيف ساكنه وجداني
مهما اتغرب ارجعلك تاني
يا بلدى الفرحة بيكي تزيد
يا دم بيجري في الوريد
يا شمس تقرب البعيد
ونبض قلبى بحبك تاكيد

يابلدي طول عمرك اصيله
يا موجة حب حلوه جميله
تفوت السنين وتدور بينا
ومفيش غير نيلك يروينا