هكتب تانى شعر بالعامية المصرية
ايو انا هكتب
وافضح كل ضلالى بيكدب
واضرب قلمى فى عين الساكت
اللى بيخزم بدن المركب
اللى بسرق واللى بينهب
والسهتان خبير استراتيجى
اللى يبيعنا ف لحظة ويهرب
الشيخ المتخبى فى دقنة
واللى لسانة ساعات بيكهرب
ساب الدين وقلبها سياسة
وبسحب زى التعلب
واى وزير متخبى ف كرسى
ولا عمرة بيشقى ولا بيتعب
مش راح اخاف والكلمة سلاحى
مش راح انام انا هفضل صاحى
وهقف جنب اللى بيتعزب
ايوة انا هكتب
هرمى الخوف من شباك قلبى
واحكى بقلمى اهاتى وغلبىي
اصرخ صوت الحق بيوجع
دا الكلمة اقوى من المدفع
اصرخ يلا وخوف خوفك
اواكتب خلى الدنيا تشوفك
واملا السما ديما بحروفك
اكتب
ايوة انا هكتب
صحى جواك الانسان
واوعى تعيش زى النعسان
ميت عايش فى التوهان
لو مش عارف تصرخ اكتب
ااصحى وعارض كل جبان
بس باسلوب الفنان
اكتب واوعى تكون متعصب
اوعوا تفكروا انى انا غاندى
او ثورجى ومطاوع عندى
انا مؤسس حزب الكنبة
عايش على قدى وغلبان
لما بشوف عسكرى بتسحب
والقى مفاصلى وبطنى تكركب
واجرى واهرب زى الفار
بس الظلم دا احساس مرعب
واللى يشوف بلدة بتتخرب
لازم بغضب
لازم يصرخ
يمسك قلمة فى ايدة ويضرب
رشاد الدهشورى
إرسال تعليق