انا عايش في جوايه' سجين منهار' بقلم "اسلام جندي"

انا عايش في جوايه'

سجين منهار'

وجوايه مكن داير ليل ونهار،

ما بيكنش ولا ب يون'

نازل طالع وبيصنع لاحزاني قوالب نار'

وانتاجه داشئ هايل،

لو اتوزع على الدنيا لكفاها،

وفاض منها سنين كتار،

فانا لا حي ولا ميت ،

لا انا ماشي ، ولا قاعد'

لا انا تعبان، ولا مرتاح'

فلا الدنيا باوجاعي سيباني'

ولا الاحزان نسياني'

انا محتار ،

ما انا عارف ان كنت خيال '

او حتى اكون انسان ،

او اني ميت ومش دريان'

ونجيت مرة اقول يله '

اعيش مرة'

اخطو خطوة لقدامي'

راح اشنكل في اوجاعي'

وقوم عجزان '

وبتعجز بعكازي'

وعكازي مالوش احباب'

فبيقطع في احشائي'

واوصالي'

وبيسبني كطير مدبوح'

بيترقص من الاوجاع'

ومين فينا ماهوش موجوع'

فانا مسكين'

ومش وحدي'

فانا وانت وهذا وذاك'

يدوب عايشين'

ومش عايشين،

لان احنا مش سادة'

ولاملاك '

ولا حتى رجال اعمال'

يدوب عايشين ،ومش عايشين'

وبنتقاسم سوا الاحزان'

ومن بره يشوفنا الناس'

يقولوا ياه على العظمة'

على الجاه'

وحنا من بره تقول عايشين'

ومن جوه حطب ناشفين'

انا شاكك اكون انسان'

وعايش على دا الحال بقالي سنين'

لان الدنيا وخداني ما بين الترس'

ومتعلق في الساقيةعشان القرش'

انا موجوع ،

وعيناي لكب الدمع عصياني'

ونجيت مرة اقوم عصيان'

الاقي الدنيا بتضربني بكوم عصيان'

انا شاكك اكون انسان'

وبحلم يوم اكون ناسي'

ومقدش على راسي'

.....................................................

"اسلام جندي"