{{ الحب الطبيعى يكون صدفه }} بقلم عادل عوف

الحب طبيعي يكون صدفه
ويحضر فجأة وعلى غفله
مش خطة عملها ومرسومه
ولا غنوة تحنن من سومه
أول ما تحب و تسمعها
مشاعرك تبدأ أوجاعها
وتعيش حاله صعبه ومهمومه
الحب بساطه وبيفرح
قلبين عاشوا ياما بيتمنوا
تجمعهم لحظه اكيد تسمح
على رغم خلافهم يتهنوا
الحب تسامح من قلبك
وحضن يطبطب ويطمن
و تخلي إزاي اللي يحبك
عايش على حسك متأمن
الحب يكونلك فجأة شريك
يفتح شبابيك افراح غابت
و رغم عيوبك برده شاريك
و روحه في روح قربك دابت
الحب مؤشر و علامه
على انك عايش في سلامه
إنسان حساس عنده مشاعر
وده رغم التيه والدوامة
‫