بحبك حب خلانى احس بنفسى وكيانى
بحبك حب خلانى اعيش الدنيا من تانى
وبانسى معاكى كل الناس وبانسى
بيكى احزانى وبانسى مكانى وزمانى
بحبك حب لو اتفرق على كل الناس يكفيهم
لو اتفرق على المجاريح يخففهم يصحيهم
لو اتفرق على الاحباب يخليهم
يعيشوا الحب فى زمن جافى
ويشربوا من عسل صافى
يحسوا بالامان دايما يحسوا بحضنك الدافى
وامشيلك على الاشواك وانا حافى
واعديلك بحور الشوق واشيل حملك على كتافى
وقلبى مركبة وشراع وعينى هى مجدافى
بحبك حب يابلدى يابلسم جزحنا الشافى
ولو جالك عليل زارك بيصبح بدرى متعافى
بحب كل مافيكى دروبك نيلك الصافى
جبريل رضوان
إرسال تعليق