{{ الحمــــد للـــه }} بقلم أحمد شاهيــن

مهما بعانى م الحياه
لابد أشكر الإله
وأرفع إيديا للسما
وانطق بها الحمدلله
قوى فى إيمانى يارب
على أد إمكانى يارب
هون عليا كل صعب
واليأس يبلغ مُنتهاه
مهما بعانى م الحياه
ويا الأمل كدا خلينى
وللإيمان كل حنينى
وفق حياتى وإرضينى
نسينى همى وقولة أه
مهما بعانى م الحياه
بارك فى أولادى يارب
نسّينى أحقادى يارب
خليك كدا قصادى يارب
وإقبل خشوعى والصلاه
مهما بعانى م الحياه
لابد أشكر الإله
وأرفع إيديا للسما
وانطق بها الحمد لله
‫#‏الحمد‬ لله دائمآ أبدآ