لك وحدك
..،،...،،..،،
بتحب مين ؟
...،،،...،،،...
احساسي ايه ؟
بتقوللي دايما اوصفيه
ليك فيا حاجه
مش عارفه اقولك هي ايه
انا حاسه بيك
ده الأكيد
بقرا عنيك
وانت مني مش بعيد
بسمع سكوتك
اعرف حالاتك
من تنهيداتك
روحي ساكنة قلبك
لو بيننا حتي الف ميل
طب قوللي انت انا ابقي ايه
بتقول ياروحي
عاشق وجودك
البعد عنك مستحيل
والغريبة دايما سؤالي
جوا مني
شايلاه في قلبي
بخاف اقوله
بتحب مين ؟
في حب دايما شايفاه في عيونك
مالي وجودك
مع اني شايفه كل احتياجك
لوجودي جنبك
لكن للحظة نظرك بيبعد
والحزن كله بيكون ماليك
ساعتها بنسي كل غيرتي
قلبي بيكبر
يحضن في قلبك
ويساع حزنك
وحلمي اني امسح في دمعك
يحلالي حضنك
من غير مشاركة ذكري حبيب
..،،....،،،....
عبله موسي
إرسال تعليق