حكاية عمى صلاح
كلمات / رضا أبو الغيط
*****************
اسم الحاج ده عمى صلاح
كان شغال ف الغيط فلاح
تلقاه بدرى.ف صلاة فجرى
عايش كل حياته كفاح
كلمات / رضا أبو الغيط
*****************
اسم الحاج ده عمى صلاح
كان شغال ف الغيط فلاح
تلقاه بدرى.ف صلاة فجرى
عايش كل حياته كفاح
عاش مع فاسه عُمر طويل
هو وناسه.. داقوا الويل
عمره ما مًل ف يوم أو كًل
وكان م الهم يقول مواويل
كُنت تروح الغيط تلقاه
و تلقى الفاس للغيط سبقاه
جنبه مشنه- وكنكه و قُله
وزوجته ف قلب الأرض معاه
على راس غيطه شجره توت
طارحه الضله لعمى صلاح
كان بينام تحتها مبسوط
راضى... وقلبه كُله براح
عمى صلاح كان له ولدين
بالنسبه له ضى العين
حلم حياته ويا مراته
يعمل منهم بنى أدمين
ع المدرسه ودا الاتنين
يتعلموا .. واحد واتنين
وفضل يعرق اكتر واكتر
علشان طرحه يسُر العين
كبر البكرى بقى دكتور
اسمه مسمع بقى مشهور
وابنه التانى عالم فاهم
لولا الشمس ما كان النور
وف يوم قالوا لعمى صلاح
أقعد بقى وكفايه ارتاح
يا ما تعبت عشانا يا أبونا
وأن لليل.. يبقاله صباح
ضحك الأب على الأولاد
ازى بس...وهى الزاد
انا والفاس ياولادى تملى
بينا وبين الأرض ميعاد
قام اتوضى وصلى عِشاه
وكات الحاجه جايبه عًشاه
عمى صلاح كان راجل طيب
صان الأرض وفرض الله
هو وناسه.. داقوا الويل
عمره ما مًل ف يوم أو كًل
وكان م الهم يقول مواويل
كُنت تروح الغيط تلقاه
و تلقى الفاس للغيط سبقاه
جنبه مشنه- وكنكه و قُله
وزوجته ف قلب الأرض معاه
على راس غيطه شجره توت
طارحه الضله لعمى صلاح
كان بينام تحتها مبسوط
راضى... وقلبه كُله براح
عمى صلاح كان له ولدين
بالنسبه له ضى العين
حلم حياته ويا مراته
يعمل منهم بنى أدمين
ع المدرسه ودا الاتنين
يتعلموا .. واحد واتنين
وفضل يعرق اكتر واكتر
علشان طرحه يسُر العين
كبر البكرى بقى دكتور
اسمه مسمع بقى مشهور
وابنه التانى عالم فاهم
لولا الشمس ما كان النور
وف يوم قالوا لعمى صلاح
أقعد بقى وكفايه ارتاح
يا ما تعبت عشانا يا أبونا
وأن لليل.. يبقاله صباح
ضحك الأب على الأولاد
ازى بس...وهى الزاد
انا والفاس ياولادى تملى
بينا وبين الأرض ميعاد
قام اتوضى وصلى عِشاه
وكات الحاجه جايبه عًشاه
عمى صلاح كان راجل طيب
صان الأرض وفرض الله
إرسال تعليق