حُبّ بَرِيء بقلم المهدي العمري.

حُبّ بَرِيء:
مَا تْحْتَاجِي تْقُولِي لِيَّا
رَاكِي فْحُبِّي تْعَانِي
الدّْمْعَة فْعِنِيكْ نْشُوفْ
تْغْرّْقْنِي دِيمَا حْزَانِي
نْبْضَاتْ قْلْبْكْ تْوْصْلْ
لأَعْمَاقِي تْمْلّْكْنِي زْمَانِي
حُبِّي دْمُّو مْنْ حَنَانْ
وْ حَنَانِي دْمُّو حُبِّي
بِيكِي نْكُونْ إِنْسَانْ
مْنْ دُونْكْ يْمُوتْ قْلْبِي
فْأَحْضَانْ حْلاَلْ نْرْمِي
نْفْسِي وْ نْتُوهْ فِيهَا
فْبَرّْ أَحْضَانْكْ نْرْسَى
قْلْبِي مْشْتَاقْ لِيهَا
انْتِي الْحْلاَلْ كُلُّو
انْتِي الدّْنْيَا وْ مَا فِيهَا
الْمْكَانْ بْشْمْسُو وْ ظِلُّو
مْنْ دُونْكْ حْيَاتُو يْخْلِّيهَا
تْغَارْ مْنّْكْ الشّْمْسْ
وْ الْقَمَرْ يْحْشْمْ مْنّْكْ
فْقْلْبْكْ جَمَالْ الْكُونْ
تْنْحَنِي النّْجُومْ لْفْنّْكْ
فْنَّانَة فْكْلْمَة وْ بْسْمَة
تْنْوّْرِي فْأَعْتَى ظْلاَمْ
فْصُوتْكْ حِكْمَة وْ نْغْمَة
مْعَاكِي تْتْْحْقّْقْ الأَحْلاَمْ
انْتِي لِيَّا مْوَالْمَة
تْخْرْسِي صُوتْ الأَوْهَامْ
احْنَا عَايْشِينْ فْالْكُونْ
مْعَاكِي نْعِيشُوا فْسَلاَمْ
وْ يْعِيشْ الْكُونْ فِينَا
وْ نْعْلّْمُوهْ حُبّْ وْ إِسْلاَمْ.
.................................من توقيع/المهدي العمري.

أعجبني