قلوب الناس
قلوب الناس بقت حجر
الخيرغريب بينا
الضحكه صفرا مش صادقه
الحب عجوز مريض بيتخفى
الفقير حلمه رغيف
والغنى فاتح طابونه
بيتحكم فى الرغيف
ازاى حنشوف النور
واحنا عايشن تحت القصور
بين القبور مقيدن بسلاسل وقيود
فين الرحمه تاهت فى الزحمه
الناس بتتكلم كتير لكن مش فاهمه
نسينا اصلنا هرب منا دمنا
بقينا مش بنحب بعضنا
النفوس بقت رخيصه امام الفلوس
شوية ورق تشترى ضمير
وتصنع من الباطل حق
وتجعل الظالم مظلوم
المال والسلطه زواج حلال
شهد عليه الكرسى والمسؤل
والغلابه بتسقف فى الزفه
والطفل الصغير مات فى اللفه
الدم بقى رخيص رجعنا لزمن العبيد
كل يوم ننعى شهيد كان ابننا كان دمنا
كان واحد مننا
الايام بتسرق عمرنا فى غفلة
والموت موجود بيحصد فى اروحنا
اصحى يابن التراب أن وقت الحصاد
اعمل لتجنى الثمار قبل الحصار
قبل مايفوت النهار
سنه رايحه وسنه جايه
والناس وسط الطريق
وعيونها مش شايفه الحريق
النار شوهت ملامحنا
والمرايه بتهرب من وششنا
لبسنا قناع مش بتاعنا
وقلنا كلام مش من دمغنا
وكله عشان ننال الرضا
ونكسب شوية فلوس
مش مهم نعرف نقرا
عشان نكون متعلمين
المهم نعرف نفهم يمكن
نكون بنى ادمين
بقلم
ابراهيم رضوان
إرسال تعليق