مش بلومك
~~~~~~
كنت بفكر إني نسيت
قسوة قلبك لاء و يا ريت
قلبي ينسى أيام جرحتني
معاك وديتني لفين و رميت
كنت بحبك حب جنون
زي الشمس و قد الكون
شوف الدنيا إزاي وهمتني
لما باعتني ليك و أهون
ينسى إزاي قلبي المجروح
بعد حبك حب الروح
روحت بعيد و تعيش أيامك
ليه و رميت قلبي المدبوح
روحت بعيد و تعيش في غرام
و عملت ما بينا كله خصام
نسيت الدنيا و كل ما فيها
كل ما بينا كلام في كلام
كنت ضحية ليك و ذنوبك
لما نويت و تغير توبك
كل ما بينا نسيته ساعتها
صدق إني خلاص ما بلومك
قلبي جريح ما بقاش فيه ليك
بعد ما بعت إزاي يشريك
ولا فيه لوم ولا حتي عتاب
ليه ولعت النار بأيديك
حاولت إني أعيش مخدوع
و أنسى عذاب و ألم و دموع
و أرضى بوهم أيام ظلمتني
لكن قلبي بيك موجوع
يبقى إزاي أيام هتعود
و كل ما بينا بحور و سدود
كل شئ و بقى له نهاية
مهما الجرح يكون موجود
~~~~~~~~~~~
بقلم / رمضان العلالقة
إرسال تعليق