حضّر بوكيه الورد
على راس السنه
وادعى لمصر بمجد
وتنول المنى
وافرد شراعك للأمل
شرّف حياتك بالعمل
أوعى تسلّم للكسل
والمسكنه
حضّر بوكيه الورد
على راس السنه
انسى ال عدّى بقسوته
وسع لبكره وجيّته
وازرع ف قلبك فرحته
واجنى الهنا
حضّر بوكيه الورد
على راس السنه
عامل ضميرك فى الوطن
دوّر سواقيه والمكن
ارفع لواءه ع الزمن
دى مصرنا
حضّر بوكيه الورد
على راس السنه
وادعى لمصر بمجد
وتنول المنى
31/12/2015 حمدى الليثى
إرسال تعليق