GuidePedia
رحال تلف بلاد تعديها
وشوقنا لضمه من صدرك
ما بتحنش عليك بلدك
ولا مره بتحلم أنها تضمك
تحن لقمره فى ليلها تحن لشمس
بتنور وبتحلى جمال صورك
حتفضل ليه ياولدى غريب رحال
شريدشقيان على القمه وعالهدمه
دا لسه ربنا موجود بيرزقنا ويكرمنا
ليه ظلمك ونفسى تعود
وتخدينى تانى فحضنك
,,,,,,,,,,,,,,,,,,,,,,,,,,,,,,,,,,,,,,,,,,,,,,,
ودارت الأيام بالجرح وعاد الصمت للوجدان
أقول الآه يابلدى وأعيش الوحده والحرمان
بلاد الغربه واخد ه الواد رمياه فبعاد
ودمعى يسيل وليه مشتاق ونفسى
أخده ف الأحضان كفانه بعاد
بقلك مشتقين والله
أكيد ناسى للمتنا
وناسى أمك ودمع العين
على دا بعاد
ياه يا قاسى
منفسكش ولا مره تاخدنافيها بالأحضان
تدفينا فى حضنك
ولما نموت تقف راجل فى عزانا
تواسيك كل قريتنا ياغربتنا
ولما نروح للقبر ياترى حتبعت الرحمات
حتدعيلنا وتترحم وحتزرنا
بلاد الغربه واخداك ليه يافرحه كل ليلينا
حتيجى لقبرنا زاير
تونسنا وتسقى زرعه الصبار
ولا خلاص بقى بعدك ياضنيا مصيبتنا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أنتى ياواد
فاكر أخر جواب منك كان ميتى
وكاتب فيه يا أحبابى
لو أحنا صدق أحبابك كنت جيت على دارنا
دا صبح البيت حبيس الأنفاس بيتمنى
تروح ياحزن
وتسكن ليلك بدورنا
يطج الباب بنجرى عليه انا وأمك
ولكن مافى مره نتهنى
أجيب صورك والف عليها بالواحده
من صغرك لحد الأن
وأجيب هدمه وفيها عرقق
وطبق كنت بتاكل فيه
ولعبه كنت تلمسها وأنتى صغير
يا ظلمك
عتظلم مين يابن الأيه
دا أنا أبوك ودى أمك
فاكرنى ياواد لما كنت بدعيلك تصير راجل
وأتمنى أشوف فرحك وأشوفلك واد
عرفت من رفاجاتك بأنك زوج وليك أولاد
وحتى دى حرمتنى منها حقولك أيه
ماعمريشى راح أنطقها وأدعى عليك
ولكن خد ها من قلبى
كفانه عناد كفانه بعاد
أخر كلامى فى رسالتى وأتمنى تجيبلى رد
أرجع لحضن أبوك من تانى وعدلى ياواد
ومهما بعدت أو لفيت مسيرك راجع من تانى
بس حيكون روحنا وسافرنا بلاد تانيه
وأخرتها تندم وتبقى رحال ف الدنيا وف الأخره
لأ نك كنت مش كسبان رضا أبوك وأمك
Top
إرسال تعليق