*صـــــــــرخة * بفلم الشاعر رضا أبو الغيط

احترت بين كل الأهات
والحيره أشبه بالسكات
محتاره تنزل دمعتى
على دجله ولا ع الفرات

مجروح وجرحى من الألم
شاور بعينه للقلم
قوم يالا اكتب كلمتين
للى انقتل واللى انظلم
رد القلم من حرقته
بكلمتين متنطورين
والخطوه تايهه ف سكته
فوق سطر كان قاعد حزين
فين الكلام مين سكته...؟
والحب فين ضاع من سنين؟
فين الأمل ....؟مين موته..؟
فين الأمان .....يا مسلمين..؟
ف ليل حزين صابه إنهيار
من توب سواد الإنكسار
ها نروح لفين ونقول لمين
الشمس مش لاقيه النهار
بين التتار بين المغول
والمصلحه وعدم الأصول
إتبدلت كل الخطوط
والعرض أصبح خط طول
يا خريطه تايهه من زمن
فى أطلسك وسط المحن
تايهه الحدود ف اللا حدود
محصوره بين سجن وكفن
محصوره بين ريح العدا
وخزعبلات زمن انقضى
لا سيف صلاح ها يرجعك
ولا فكر صابه اليوم صدا
****************************