{{كاس مليان}}بقلم محمد عسل

مَشاعرَك زي كاس مَليان بأشواقَك..

وأشواقَك ف قلب النبض مِتعَانَه.

ف سَرسِب منها جوه الكاس لعُشَاقَك..

لكن بحساب لكل حَبيبَه عطشانه..

متتغرش عشان الكاس بشوق مليان..

ولا تدلُق جميعُه ف قلب إنسانه..

ولا تصدق كلام لابس لوِش أمان..

ولا تحلم تلاقي الوِد ف خيانه...

متهربشي لخيال مدهون كتير ألوان..

دا مهما كان خيال ألوانُه بهتانه..

حقيقتك هي باقيالك ف كل زمان..

بلاش تُدخُل ف صوره كئيبه تَعبَانه.

متتهزش لقلب يعاني من حرمان..

ومَتدِبِش برجلك دَبَه خسرانه..

أنا قبلك دَلقت الكاس بدون تفكير..

عِطِشت سنين وعاشت عيني مِتهانَه