GuidePedia
مش كل الكلام أشواق
مش كل الكلام أشواق
فيه كلمه بتبقى زواق
بتريح صدور الناس
وبتسعد قلوب عشاق
لا ح نقدر نقول نفاق
ولا نحكم بإنه رياء
ح نقول عليه إحساس
ح يكون للبشر ترياق
للود إل صابه الداء
والحب إل ناوي فراق
للورد إل مات وإنداس
والحزن إل ع الأشداق
البسمه هتبقى شفاء
والرحمه كاس ودواء
للفكر إل صابه نعاس
من كتر الظنون وضاق
ح نلون سمانا صفاء
هنقول الكلام نشتاق
ح تكون الرموش حراس
لقلوبنا من الاعداء
مش كل الكلام أشواق
فيه كلمه بتبقى زواق
بتريح صدور الناس
وبتسعد قلوب عشاق
بقلم /طارق شامخ
Top
إرسال تعليق