GuidePedia
شاطره وبرافو عليكى
يا اللى ما صعبت عليكى
هااديكى عشره من عشره
والنجمه ها تكون لعينيكى
من غير ما أتألم وأتكلم
راح أدارى ف الدمع وأخبى
وأهو منك برضه بنتعلم
وعلامك جرحى اللى ف قلبى
لعيبه ودايما بتبيعى
وعيونك قاسيه وغداره
يا خريف الدنيا ف ربيعى
ويا شابكه القلب بسناره
ها أديكى عشره من عشره
على كدبك على قلبى وعينى
على بيعك للناس والعشره
على عمرى الضايع وسنينى
لا يهمك قلبى الحيران
ولا نن عيونى السهران
ها اديكى عشره من عشره
والنجمه لقلب ف يوم خان
ها اديلك عشره من عشره
على ليلى المليان بمواجع
والنجمه لخيانة العشره
والحب الضايع مش راجع
ها اديلك ميه من ميه
على غدرك وخيانتك ليا
على جرحى الساكن ف جوارحى
من أنثى أشبه بالحيه
أهو درس وعلمته لقلبى
من كدبه قالت بهواه
ومسيرى أتخلص من ذنبى
وأقتلك حبك جواه
Top
إرسال تعليق