خدنى الحنين للكلام والفضفضة ..
للبحث بين حروف الهجاء ..
خصوصا بين حروف ( حه ) و ( به ) ..
او حرف حاء وباء ..
وبرضه بين حروف (الالف) و (الهاء) ..
ولقيتنى تايه بين اللى قتلهم الكلام ..
واللى لسة بيتكلموا ..
وبين اللى كواهم الغرام ..
واللى لسة بيتالموا ..
وااللى اتعلموا من غدر الزمان ..
واللى مش عايزين يتعلموا ..
ولفيتنى بانادى بصوت عالى ..
نفسى الاقى حد يسمع موالى :
ياكل لسان بيلكلك فى بق صاحبه ..
يت كل حد سايب لسانه هو االى ساحبه ..
فكر فى الكلمة قبل ماتوجع بيها غيرك ..
حكم دايما عقلك واوعى تلغى يوم ضميرك
متزرعش شوك وانت ماشى برجلك حافية ..
متعكرش المية وعايز تشرب مية صافية ..
مترفعش عصاية وانت غلبان معدوم العافية
متلبسش ابيض وانت من عصابات المافيا ..
الكلام الحلو حلو .. بس الفعل احلى ..
واللى يزود الطين مية حيمشى فى الوحلة ..
واللى بيزرع شجرة حب يلاقى تحتها ضلة ..
فتعالوا نرجع لحروفنا تانى الحاء والباء ..
ونلغى خالص من جوانا الف وهاء ..
ونعلم.ولادنا وولاد ولادنا :
" حاء " و " باء " يعنى " حب " ..
إرسال تعليق