GuidePedia
علمني ابويا ازاى احب
الناس وازاى اكون محبوب
علمني كمان ازاى
ماهربش م المكتوب
علمني ازاى مابتش
غالب وازاى ابات مغلوب
ااااااااااااااااااااااا
علمني ابويا ازاى اقول
الكلام ع الاد
علمني ماحزنش واحط
الادين ع الخد
علمني كمان احب اهلي
واوصل الرحم والود
اااااااااااااااااااااا
علمني ابويا اقول
كلام موزون
علمني اساعد الناس
واكون ف العون
علمني اقول الصدق وانصر
الحق مهما يكون
علمني اقول الكلام الجد
وابعد عن الكلام الدون
ااااااااااااااااااااااااا
علمني ابويا ازاى اقول
الكلام ف الوش
علمني ازاى ابعد عن
الخداع والغش
علمني مارطرطش ف
الكلام وادش
اااااااااااااااااااااااا
علمني ابويا الرجوله
وحب الخير
علمني اكون انسان
واساعد الغير
علمني اكون صاحي
وازاى اتيش بضمير
وازاى اراعي الكبير
واحسن التدبير
علمني ماغلطشي
وماكونش لهوايا اسير
ولا اجرى ورا سلطان
واكون لنفسي امير
علمني ابويا القناعه
مابصش لحاجة الغير
علمني ابويا الخشونه وانام
ع الخيش قبل مانام ف سرير
ااااااااااااااااااااااااا
علمني ابويا كتير
وعلامه علي اده
وعمره مابات حزين
ولا ايده علي خده
وتعب عشانا كتير
لما المرض هده
ومات ابويا وسابني
وانا ماشي علي عهده
وصاني قبل مايرحل
اود اللي بيوده
واراعي كل الناس
بالخير اللي كان ماده
ااااااااااااااااااااااا
هذا ماعلمني ابي رحمة
الله عليه
Top
إرسال تعليق