**************************
سلامات يا وهيبه
وكيف الحال
لساه معدول .....
كده وابن اصول
ولا يا وهيبه
الحال ده اهو مال
سيبك م الحال
ما هو امر محال
تِحلو الدنيا
ف وسط الريح
وتلاقوا الفرح
بدون تصاريح
ويداوى الهم قلوب مجاريح
معقوله البوم
ها يقيم تروايح
معقوله الحزن
هايولد يوم
كم ضحكه وكام حبة تفاريح
الأمر محال
يرتاح يا وهيبه ف يوم البال
فبلاش احلام
ولا كتر خيال
سلامات يا وهيبه
وكيف الحال
ازى الحاجه أم الخلخال
لساها ف حاجه
لكتر عيال
عشمانه ف يوم
تسقى الحوال
لساها بتسأل
ها تجيبوا منين
يا وهيبه المال
لساها بتتعب
ليل ونهار
علشان ما تدخل
لقمه الدار
لساها الحاجه
غاويه هزار
ولا يا وهيبه العيشه مرار
سلامات ياوهيبه
وكيف الحال
طب كيف الدنيا
يا بنت الناس
لساها
بتقتل ف الاحساس
لساه
السجن بميت ترباس
لساها بتسأل
فينه الخال
لساها ف عهد وعصرجمال
ولا يا وهيبه خلاص نسياه
لساه الخير ف جناح الطير
ولا يا وهيبه... خيركم تاه
الخال ارتاح......
من هم الدنيا
مسا وصباح
وليلاتى الكلمه
مابينه وبين العم صلاح
يا وهيبه يا روحى
يا بنت الناس
الخال ارتاح
ما تخافى عليه
الخال مبسوط من كفن الموت
علشان ما لهوش قفل وترباس
لكن قلقان...
على نن عينيه
ليدوسوا عليه
الناس بمداس
سلامات يا وهيبه
يا قلب الخال
بتمنى يروق كده يوم الحال
ويموت الهم وكترالذم
وتسرى الفرح ف قلب الشال
علشان م تزور الضحكه ف يوم
القبر الساكن قلب الخال
***************
إرسال تعليق