{{قناديل سهرانة}}بقلم اليان سمعان أبوطوني

هونيك عاسفح الجبل قناديل سهرانة
...---***---... وعيانة عرفت بعدا بيتا مشعشع نور

سهران وحدي كنت والنوم عاداني
...---***---... ضجران من هم الدني والصدر مقهور

لحقت قلبي مشيت لهنيك وداني
...---***---... قلي راح يمسي بالفل والمنثور

شباكها مفتوح ومافي حدا تاني
...---***---... ومن قبل ماوصل البيت فاح عطور

مرايتا بايدا شفت والحسن رباني
...---***---... تسمرت عالشباك من شوفتا مسحور

بالشعر نايم ليل كانونها التاني
...---***---... والعين جنح غراب خجلو بنات الحور

والتم معمل خمر سكران خلاني
...---***---... وجبين قطعة جبن خدا خبز تنور

دقيت عالشباك قال كتير نعسانة
...---***---... قرب الفجر يطلع قلي صباح النور

وسمعت صوت بعيد ملهوف ناداني
...---***---... لحقني يابيي بساع وجيب هالمعدور

يالله يابيي لحاق الارض عطشانة
...---***---... وتفاحنا دبلان وبالمي عنا الدور

تركتا عاسفح الرمش هالروح علقانة

...---***---... ياحب كتر صلى وشعلها بخور