مش هانسى يوم ،،، كلمات ا/ عادل الشرشورى

مش هانسى يوم فيه اتواعدنا
ولا هانسى يوم فيه اتعاهدنا
ولا هانسى يوم فيه افترقنا
زمن الغرام ...مر قوام
والعمر عدى ...وليه كان فراقنا
مش هانسى يوم
قمرى وليلى ..كان فيه موالى
شمسى ونورى وكمان قناديلى
ليه بس غابت واتبدل حالى
يا ما كنت امنى النفس بيها
يا ما كنت ادور فيه عليها
ورضيت بحالى اللى يرضيها
ومش هانسى يوم
كانت تغنى عصافير فى جنة
رسمتها هيه بريشة وحنة
وكنت بغناها
أتوه معاها
وانسى الليالى
والفكر خالى
واطير معاها ...لنجم عالى
ومش هانسى يوم
................................