وحيد ويا آهاتي للشاعر طارق الصباغ

وحيد وايا أهاتى

بعد ما خدت منى
احلى سنين حياتى
جرحت قلبى وسايبنى ...
وحيد وايا اهاتى

معقول يكون
مات الاحساس
مات الاخلاص
مات حتى ضميرك

عيشت معاك بكل اخﻻص
اوعد واوفى واقول ع الراس
عمرى فى يوم ما كنت انانى
تظلم فيه وألوم فى زمانى
اكتم واسكت واقول يستاهل
لكن قلبى ياناس الجاهل
ساكت راضى بكل عمايلو
سيبو يا قلبى يقول مش سايبو
انسى ياقلبى وعيش من غيره
سيبو لوحده يعيش بغروره
زى ما ظلم وكبر علينا
بكره بدمعه هيبكى علينا
ويرجع نادم على ظلمه لينا

بعد ما خدت منى
احلى سنين حياتى
جرحت قلبى وسايبنى
وحيد وايا اهاتى

معقول يكون
مات الاحساس
مات الاخلاص
مات حتى ضميرك

اااه على عمر وهبته أليك
اااه كان لعبه بين ايديك
نادم انا على حبى ليك
نادم على اخﻻصى أليك
ياااه لو تعرف اد ايه
ياااه انت كنت ايه
كنت حبيبى طبيبى نصيبى
والعالم واللى فيه
ضيعت حبنا ضيعت حلمنا
ضيعت كل حاجه حلو مننا

بعد ما خدت منى
احلى سنين حياتى
جرحت قلبى وسايبنى
وحيد وايا اهاتى

معقول يكون
مات الاحساس
مات الاخلاص
مات حتى ضميرك
10/9/2015

تحياتى

طارق الصباغ ابومحمد