اليوم رحت المقابر
زرت الغوالي كلهم
ماء ورد رشيت على قبرهم
ند وعود بخرتهم
ورد حطيت على قبرهم
وحشوني قوي ، يا ترى انا كمان وحشتهم ؟
انما الدور والباقي
علي فاكرين نفسهم
عايشين وقد ماتت ضمايرهم
نهب وسرقة وذنوب بكتفهم
فاكرين الدنيا ملاهي
وما فيش حارس لأفعالهم
الغدر بقى شيمهم
والخمرة مفخرة عندهم
ده الحق لو كان حق
ما كانش حد إنضرب وأتزق
وما كناش اختلفنا بين آه ولأ
ورزقنا عند موزع الأرزاق
الحق أحق أن يُـتبع
ولو كان الزمن جبار
تقوله الخوف يخاف يسمع
ولو سمعتو بنشرة أخبار
يكون فـي الحلق شوك يوجع
ومنو كتير العين تدمع
يكون دانة يكون مدفع
يارب المُصطفي الهادي
يا رب الظلم بقى عادي
يا رب الناس بقوا جاحدين
والمتعلمين بقوا ضالين
يا رب ثبتنا على الدين
وتدبر قآنك الحكيم
والمشي بخطى سيد المرسلين
عليه وعلى آله السلام ...آآآآآآآآآآآآآآآآآآآآآمين
كلماتي عائشة علي
إرسال تعليق