ليه لما نمشي خطوتين
نرجع ميلين قوام ورا
رد قول ياعنترة
حالتنا ليه متدهورة
المستخبي في الدرة
لغفير درج في المندرة
وإللي إغتنى لبه إفترى
راح قلبها دندرة
ليه ياترى ياعنترة
وردة بيضا معطرة
تقطفها إيد متشطرة
ليه الرقاب ياعنترة
خنفاها إيد متجبرة
المية صافية مكررة
ليه يشربوها معكرة
والقلوب الصافية فين
ليه بقت متحجرة
ضحك قوي سي عنترة
بضحكة طالعة مكركرة
ولما ضحكُُو راح براحتو
قاللي حكمة مفسرة
الدنيا يابني ممررة
تبان صبية مغندرة
وهى غول متنكرة
حلّي فيها بسكرة
سكرة إسمها الرضا
والرضا دا تذكرة
في رحلة يابني مقدّرة
من الرحم للمقبرة
بقلم طارق السيد
إرسال تعليق