صعب عليا للشاعرة عزة احمد

صعب عليا
صعب عليا لما اتكلم
حسيت بعذاب فيه بيتالم
ولقيت قلبى بيه مش حاسس
ولقيته بحبى متعشم...
لمحت فيه طيبه غريبه
لقيتها من قلبى قريبه
مش قادرة اجاوبه واقرب ليه
برغم شوقه وسحر عنيه
وحصار حبه ليا عنيد
حاولت اقوله واطيب خطرة
انه يفهم ايه الاحساس
وان قلبى هيفضل عايش
للى وهبت ليه الاخلاص
يفهم حبه والا قيه راجع
باشواق اكتر فيه بتزيد
ابص لحالى الاقى حبى
لانسان تانى بعيد
وافضل عايشه ف حبى ليه
نفسى يرجع تانى ليا
واعيش عمرى جوة احضانه
ليه يا حبيب القلب سايبنى
ليه رضيت لقلبى احزانه
ابعد عنى بس كفايه
حبى ليه فاضل ف مكانه

بقلمى عزة احمد ابوزيد