أرض الخوف بقلم الشاعر محمد عسل

أرض الخوف..

مشاعرنا علي الأوراق بتكتبنا...

وأحلامنا ف وسط الشوق بترمينا..

وأفراحنا ف أرض الخوف بتبعدنا..

ونزرع حب يطرح هم يمحينا..

وأحزاننا بنكتمها سنين وسنين..

وطول الوقت تنطق دمع يحكينا..

ولما القلب كان بردان وقولنا حنين...

رمونا ف نار وقالوا النار تدفينا..

سقينا الدنيا دي أشعار بقلب سليم...

لقينا الكل جايب مُر يسقينا..

وقالوا الناس ياريت ننسي وقولنا آمين..

نسينا الفرح أما الويل سكن فينا.

بقلم.. محمد عسل