علمني === للشاعر صلاح علي

من أشعار شاعر العاميه صلاح على (صلاح الشاعر )
علمنى
علمنى وانا أتعلم
ازاى بعنيا أسلم
ويروح خجلى وأتكلم...
واقولك ع للى معلم
ياحبيبى جوه ف قلبى
علمنى ازاى انا اعبر
بورد الجورى وعنبر
أدينى حنان مسكر
الشوق خليه معطر
وتدوس على وترة حبى
علمنى لما أقابلك
أتجرأ اقول باحبك
متاخدنى يللا جنبك
خلينى ف ضلك حضنك
خلينى بعينى اقولك
واحكيلك اناعن حبى
علمنى ازاى انا اثبت
عن روحى لما حبت
ليه نفسى دارت خبت
وعقلى د كله اتشتت
والدقه ف قلبى دقت
وعنيا ماقادره تخبى
تحياتى صلاح على (صلاح الشاعر )