ياضحكة النيل بقلم محمود السرسي

يا ضحكة النيل

=========

يا ضحكة النيل اللى غابت
عن شفايف الابرياء...
يا بسمة النور اللى سافر
فوق سحاب السهرانين
-
بدى أسألك ي اشمس بكره
فين آمالك فين جمالك
فين شبابك فين صحابك
المخلصين
-
ياضحكة الليل المسافرة
انتى ليه علينا اسية
الدموع نازلة تجرى
فوق خدود المجروحين
-
انتى قلتى جاية بكرة
جاية ومعاكى الامانى
انتى عاينة الفرح فين
لينا عندك فرحتين
-
أمانة ياضحكة عودى
ولا انتى خلاص نسيتى
وسبتى قلب الناس حزين
انتى فين انتى فين من سنين

محمود السرسى