6 مليون جنيه للشاعر محمد الباشا

6 Milion جنيه
ستة مليون جنيه ...
فى العد ...يطلعوا كام.
فى ايدين سعادة البيه...
يادوب ...دا تمن الرخام.
فادت بإيه.... النافوره
سؤال .....لأولى الأفهام.
صينى ..والطقم صينى
والرسم ...صينى ...تمام.
جايبينه........بالطيارة
والورقة .........والأقلام .
والدنيا ........محتارة
فى صنعة .........الأعلام.
وعقولنا ...... بمهارة
( ديليت ) تعديل ...أرقام .
شيل صفر حط اتنين.
كله ..كلام ...× ... كلام .
وطقم للتركيب..وطقم
للتشطيب....وطقم للإعلام.
وطقم ..للتلميع ..وطقم
للتصنيع ..وطقم ..للأوهام .
وطقم للتوجيه ولمحبس
الميه...وطقم ......للحمام .
وطقم..لما ..الطقم يقوم
وطقم لما ..الطقم ...ينام .
وطقم ...عنب اليمن
وطقم .......بلح ....الشام .
والحلو ...من سوريا
والأكل ...من .......فيتنام .
استاكوزا.... وكابوريا
والمحشي ....يبقى حمام .
خمس نجوم ...السكن
النجمة ..تبقي ........بكام .
وضيافة ........وإقامة
والراحة ..سبع .........أيام.

قولولى يا اهل الكرم
والطوووووولة ....والإنعام .
كم أسرة ممكن تبتسم
لستة مليون .............عام.
لو الفلوس .... تتقسم
ع الفقرا .............والأيتام.
للحكية بقية ....اطول من الأيام
محمد الباشا