قولى يامصر بصوتك نادى
هما دول شبابى ولادى
تعبوا وشالوا المر عشانى
حفروا قناتى دا شىء مش عادى
وقت الشده أسود على بابى
وساعة الفرحه تلم أحبابى
هما جنودى دول حراسى
شربوا المر ف عز عذابى
مش حنمد إيدينا تانى
لكل خبيث أوحتى أنانى
وكل العرب فى حضنى ولادى
هما أساسى هناك عنوانى
مش حنجامل ولا نتجمل
بكل عزيمه وحب نكمل
وكل مراكب راسيه علينا
بكل الخير حنشيل ونحمل
حنزع خيرنا وف صحارينا
بعزم محمد وياه مينا
ولو مصحتشى يامصر ف يوم
نادى علينا قومى صحينا
====================
الشاعر عيسى عبد الرؤوف
إرسال تعليق