أيوا وحشتينى بقلم #الشاعرة_رضاعبدالوهاب 0 اضواء شعر العامية 8/18/2015 12:12:00 ص A+ A- Print Email أيوا وحشتينى كل لحظة فى بعدى عنك زى جمرة نار زى عودبمرار ضلمة شايفها بعينى ليه حبيبتى بتبعدى ليه بتوفى وتوعدى انك معايا هتقعدى وترجعى تروحى تسيبينى ****أيوا وحشتينى**** عمرى لحظة تعدى تجرى وانت جانبى لوتغيبى سنين بحالها يعيشها قلبى طيربيجرى فى الفضا فى العالى يجرى يحلق يغنى وان بعدت ينكسر ع الأرض مايقدر يعدى ..أيوا وحشتينى نفسى لحظة فى قربى منك نفسى أتنفس ملامحك أنظرك لو حتى ثانية نفسى بيتى يبقى قلبك وأبنى ضلة جنب شعرك أستخبى فيها منك *****أيوا وحشتينى*** عينى وحشاها تشوفك حتى صدفة ..تلمحك وانت علىّ بتنظرى بكل لهفة ..أسمعك أحقظ كلامك أقرأ سكوتك أقولك فى وشك بحبك .....تقوليلى عارفة ومين قالك موحشتنيش وان عمرى بمر من غيرك زى أى حد عاش وبيعيش أيوا واحشنى ونفسى العمر كله مايعديش كل لحظة فى بعدى عنك يعنى موووت ..يعنى سكووت قلب بيصرخ من غيرصوت يعنى مفيش ..أيوا واحشنى أيوا واحشنى ياعمرى اللى قاضيته فى غربة من غير قلبك ازاى قلبك ..موحشنيش جاى بتقول ...وحشتينى حتى الكلمة مالهاش معنى وازاى توصف.. وازاى تغنى انت واحشنى عمر ياعمرى بس الكلمة.....ما تكفيش قصيدة(أيوا واحشنى)
إرسال تعليق